គូលែន, សៀមរាប ៖ លោក Jean-Baptiste Chevance ជាបុរាណវិទូជនជាតិបារាំង ដែលមកធ្វើការនៅកម្ពុជាតាំងពីឆ្នាំ ១៩៩៩។ លោក JB Chevance បានធ្វើការពាក់ព័ន្ធនឹងការស្រាវជ្រាវពីប្រាង្គប្រាសាទ ដែលជាជំនាញរបស់លោក និងការការពារបរិស្ថានជាមួយអ្នកភូមិសហគមន៍នៅតំបន់ភ្នំគូលែន ។ ក្នុងបទសម្ភាសន៍ជាមួយសារព័ត៌មាន Thmey Thmey នាខ្នងភ្នំគូលែន លោក JB Chevance បញ្ជាក់ថា ៖ « ខ្ញុំមកកម្ពុជា២០ឆ្នាំមុន។ ពីមុនខ្ញុំជាបុរាណវិទូធ្វើការនៅប្រាសាទអង្គរហើយខ្ញុំឃើញភ្នំ គូលែនពីឆ្ងាយ ខ្ញុំចង់ទៅមើលប្រាសាទ និងពើងនៅលើភ្នំគូលែន។ ខ្ញុំស្រឡាញ់ភ្នំគូលែន។ ខ្ញុំចង់អភិវឌ្ឍភ្នំគូលែន និងចង់ឲ្យប្រជាពលរដ្ឋយល់ដឹងពីការអភិរក្ស » ។
