ពានរង្វាន់ និងការទទួលស្គាល់

ក្រុមមហ៊ុន Kulara Water ត្រូវបានតែងតាំងពានរង្វាន់សម្រាប់ Eurocham CSR Cross-Sectoral Awards 2023 នៅក្នុងចំណាត់ថ្នាក់ Sustainable Production។ ការផ្ដល់ពានរង្វាន់នេះពិតជាផ្ដល់កិត្តយសដល់ការប្ដេជ្ញារបស់ក្រុមហ៊ុន Kulara Water ក្នុងការប្រកាន់យកនូវការអនុវត្តល្អៗបំផុតប្រកបដោយចីរភាពនៅគ្រប់កម្រិតនៃដំណើរការផលិតកម្មរបស់ខ្លួន។

ការប្រកួតប្រជែងជាអន្តរជាតិខាងផ្នែកឧត្តមានុវត្តន៍លើកទី៩ បានទទួលស្គាល់ក្រុមហ៊ុន​ Kulara Water លើវិធីសាស្រ្តចម្រុះរួម​ដ៏ឆ្នើមរបស់ខ្លួន និងសមិទ្ធផលជាក់ស្តែងដែល​ក្រុម​ហ៊ុន​សម្រេច​បាន​នៅ​ក្នុង​ភាពជាអ្នកដឹកនាំ និងឧត្តមានុវត្តន៍។ តាមរយៈនេះ ក្រុមហ៊ុនទទួលបានការវាយតម្លៃជាសកលលំដាប់ផ្កាយ៤ (ឧត្តមភាព) សម្រាប់គុណវុឌ្ឍិដ៏ល្អនៃដំណើរការទាំងមូលរបស់ខ្លួន។

ក្រុមហ៊ុន​ Kulara Water ត្រូវបានស្នើបេក្ខភាពសម្រាប់ពានរង្វាន់ CCI France-Cambodia នៅក្នុងប្រភេទនៃការយល់ដឹងអំពីបរិស្ថាន ដោយសារការប្តេជ្ញាចិត្តដ៏ឆ្នើមរបស់ខ្លួនក្នុង​ការ​ធ្វើ​ឱ្យ​មានកំណើនមានលក្ខណៈបៃតងជាង​មុន។

លោកបណ្ឌិត Jacques Marcille នាយកប្រតិបត្តិនៃក្រុមហ៊ុន Kulara Water ទទួលបានពានរង្វាន់សហគ្រាសដែលមានទំនួលខុសត្រូវប្រចាំទ្វីបអាស៊ី ក្នុងប្រភេទភាពជាអ្នកដឹកនាំអាជីវកម្មដែលមានទំនួលខុសត្រូវ។ ការទទួលស្គាល់ប្រកបដោយកិត្យានុភាពនេះផ្តល់កិត្តិយសដល់អាជីពជាគំរូរបស់គាត់ ក៏ដូចជាការតស៊ូអំណត់​របស់គាត់ក្នុងការលើកកម្ពស់ភាពជាសហគ្រិនដែលមានទំនួលខុសត្រូវ និងអនុវត្តវិធីសាស្រ្តបែបនវានុវត្តន៍ដែលរួមបញ្ចូលគ្នានូវជំនាញ ចក្ខុវិស័យ ភាពជាអ្នកដឹកនាំ និងក្រមសីលធម៌។

ក្រុមហ៊ុន Kulara Water ឈ្នះបាន​ពានរង្វាន់សហគ្រាសដែលមានទំនួលខុសត្រូវអាស៊ី នៅ​ក្នុងប្រភេទភាពជាអ្នកដឹកនាំបៃតងសម្រាប់កម្មវិធីខ្នាតធំចំនួនពីររបស់ខ្លួន គឺកម្មវិធីការពារធនធានដែលមានគោលបំណងដាំឡើងវិញនូវ​ប្រភេទដើមឈើជិតផុតពូជនៅក្នុងតំបន់ភ្នំគូលែន (ចាប់ផ្ដើម​នៅ​ឆ្នាំ២០១៨ ដោយសហការដៃគូជាមួយអង្គការមូលនិធិបុរាណវិទ្យានិងអភិវឌ្ឍន៍ ADF) និងការផ្លាស់ប្តូររបស់ក្រុមហ៊ុនទៅប្រើថាមពលបៃតងប្រកបដោយ​ជោគជ័យ តាមរយៈកិច្ច​សហការជាមួយក្រុមហ៊ុន TotalEnergies ។

ក្រុមហ៊ុន Kulara Water ត្រូវបានស្នើបេក្ខភាពសម្រាប់ពានរង្វាន់ធុរកិច្ចរបស់ CCI France-Cambodia ក្នុងប្រភេទសាជីវកម្មមាន​ទំនួលខុសត្រូវសង្គម។

ក្រុមហ៊ុន Kulara Water ឈ្នះបាន​ពានរង្វាន់សហគ្រាសដែលមានទំនួលខុសត្រូវនៅ​អាស៊ី ក្នុងប្រភេទការវិនិយោគលើធនធាន​មនុស្ស។ ពានរង្វាន់ដែលផ្តល់កិត្តិយសដល់ធុរកិច្ចអាស៊ី ក្នុងការលើកកម្ពស់​សហគ្រិនភាពមានចីរភាព និងមានទំនួលខុសត្រូវ បានទទួលស្គាល់លើ​ការប្តេជ្ញាចិត្តយ៉ាងមុតមាំរបស់ក្រុមហ៊ុន​ Kulara Water ចំពោះសុខុមាលភាពនៃបុគ្គលិករបស់ខ្លួន ក៏ដូចជានៅ​ក្នុង​ការអភិវឌ្ឍសហគមន៍ផងដែរ។

ក្រុមហ៊ុន Kulara Water ឈ្នះបានពានរង្វាន់លើកដំបូង​របស់​ Eurocham CSR Awards សម្រាប់ប្រភេទ “ក្រុមហ៊ុនខ្នាតធំ”។ តាមរយៈពានរង្វាន់នេះ គណៈមេប្រយោគ ដែលមានឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងអគ្គលេខាធិការ​ក្រុមប្រឹក្សាអភិវឌ្ឍន៍កម្ពុជា ធ្វើ​ជាសហ​អធិបតី បានទទួលស្គាល់លើ​វិធីសាស្រ្តរួមមានលក្ខណៈវិសេសវិសាលរបស់ក្រុម​ហ៊ុន​ Kulara Water និងសមិទ្ធផលលេចធ្លោរបស់ក្រុមហ៊ុន​នៅ​ក្នុងកិច្ច​ការពារធនធាន, ទំនួលខុសត្រូវរបស់សាជីវកម្មចំពោះសង្គម និងការអភិវឌ្ឍប្រកបដោយចីរភាព។