អូ គូលែន ទឹករ៉ែធម្មជាតិលេខ១នៅកម្ពុជា
អូ គូលែន ជាទឹកមានសារធាតុរ៉ែធម្មជាតិលំដាប់លេខ១នៅកម្ពុជា។ ទឹកនេះជាផលិតផលរបស់ក្រុមហ៊ុន Kulara Water Co., Ltd ដែលត្រូវបានបង្កើតឡើងដោយលោក Bernard Forey។ លោកជាសហគ្រិនជនជាតិបារាំងមានមូលដ្ឋានធុរកិច្ចនៅអាស៊ី តាំងពីចុងទសវត្សរ៍ឆ្នាំ១៩៨០ មកម្ល៉េះ។
ទឹករ៉ែធម្មជាតិ អូ គូលែន បានមកពីប្រភពក្រោមដីជ្រៅពីរកន្លែងផ្សេងគ្នា ដែលមានការការពារពិសេស៖ មួយគឺជាប្រភពទឹកប្រវត្តិសាស្ត្រនៅជើងភ្នំគូលែន (មាន TDS 390 mg/l) និងប្រភពមួយទៀតនៅស្រយ៉ង់ ជិតច្រកចូលទៅកាន់រមណីយដ្ឋានប្រាសាទកោះកេរ (មាន TDS នៃ 289 mg/l)។ ប្រភពទឹកទាំងពីរមានគុណភាពស្រដៀងគ្នា ហើយជាពិសេស មានតុល្យភាពល្អនៅក្នុងសារធាតុរ៉ែសំខាន់ៗ និងសារធាតុចិញ្ចឹមតូចៗផ្សេងទៀត។
បំណងប្រាថ្នារបស់ស្ថាបនិកក្រុមហ៊ុនយើងនៅក្នុងការបណ្តាក់ទុន ក៏ដូចជាក្នុងការ “បង្កើត, ស្វែងរក, រៀន និងចែករំលែក” បាននាំទៅដល់ការបង្កើតបានដោយជោគជ័យនូវអាជីវកម្ម និងម៉ាកល្បីៗជាច្រើននៅក្នុងតំបន់អាស៊ី ក្នុងនោះមានដូចជា ផលិតផលម៉ាក “Eva”, “MyCare” និង “MyBaby” (កន្ទបទារកលំដាប់ពិភពលោក និងផលិតផលថែទាំខ្លួននៅប្រទេសមីយ៉ាន់ម៉ា)។
គុណតម្លៃនៃឧត្តមភាព និងឆន្ទៈដ៏មុតមាំរបស់ស្ថាបនិកក្នុងភាពនវានុវត្តន៍ មានតួនាទីស្នូលក្នុងការចាប់ផ្ដើមផលិតទឹកម៉ាក “La Vie” ដែលជាទឹករ៉ែធម្មជាតិដំបូងគេបង្អស់ដែលត្រូវបានផលិតនៅក្នុងប្រទេសវៀតណាមនៅដើមទសវត្សរ៍ឆ្នាំ១៩៩០។ ដោយមានភាពជោគជ័យនៃទឹកម៉ាក “La Vie” ធ្វើជាដើមទុន នៅក្នុងឆ្នាំ២០០៩ លោក Bernard Forey និងសហគ្រិនដៃគូរបស់លោក បានចាប់ផ្តើមដំណើរផ្សងព្រេងមួយទៀត ក្នុងការស្វែងរកប្រភពផលិតទឹកថ្មីមួយនៅក្នុងប្រទេសកម្ពុជា។ ដោយសារសារធាតុរ៉ែមានលក្ខណៈពិសេសដែលត្រូវបានរកឃើញនៅប្រភពដើម អូ គូលែន ក៏ត្រូវបានសម្ពោធចាប់ផ្ដើមផលិតនៅក្នុងឆ្នាំ២០១៣ ហើយបានអភិវឌ្ឍយ៉ាងឆាប់រហ័ស ក្លាយទៅជាម៉ាកឈានមុខគេនៅក្នុងឧស្សាហកម្មទឹកដបនៅក្នុងប្រទេសកម្ពុជា។
Bernard Forey ស្ថាបនិកក្រុមហ៊ុនរបស់យើង ក៏ដូចជាក្រុមប្រឹក្សាភិបាល និងនាយកប្រតិបត្តិរបស់យើង (Dr. Jacques Marcille) បានកំណត់យកការអភិវឌ្ឍប្រកបដោយចីរភាព និងទំនួលខុសត្រូវចំពោះសង្គម ជាចំណុចផ្តោតសំខាន់ និងជាមូលដ្ឋានគ្រឹះនៃគំរូអាជីវកម្មរបស់យើង។ ចាប់តាំងពីពេលសម្ពោធ អូ គូលែន នៅក្នុងឆ្នាំ២០១៣មក ការប្តេជ្ញាចិត្តយ៉ាងមុតមាំរបស់យើងក្នុងការផ្តល់ទឹករ៉ែធម្មជាតិដើម្បីរក្សាសុខភាពឱ្យល្អបំផុតនៅក្នុងប្រទេសកម្ពុជា បាននាំឱ្យយើងទទួលបាននូវការទទួលស្គាល់ចំពោះភាពវិសេសវិសាលនៃម៉ាកទឹករបស់យើង និងការរីកចម្រើនឥតឈប់ឈរ។
យើងមានមោទនភាពខ្លាំងណាស់ដែលផលិតផលរបស់យើងមានកេរ្តិ៍ឈ្មោះជាទឹករ៉ែធម្មជាតិលេខ១ នៅក្នុងព្រះរាជាណាចក្រ និងក្នុងចំណោមទឹកម៉ាកល្បីៗនៅក្នុងប្រទេស។ នៅក្រុមហ៊ុន Kulara Water យើងខិតខំជានិច្ចដើម្បីឧត្តមភាព និងគោរពក្រមសីលធម៌ខ្ពស់បំផុត។ គុណតម្លៃស្នូលរបស់យើង (ការផ្តោតលើសុខភាព, តម្លៃអតិថិជន, នវានុវត្តន៍, សុច្ចរិតភាព, កិច្ចសហការ, ការអភិវឌ្ឍសហគមន៍ គុណវុឌ្ឍិប្រកបដោយបរិយាបន្ន) គឺជាបេះដូងនៃភាពជាអ្នកដឹកនាំមានលក្ខណៈវិសេសវិសាល និងអត្តសញ្ញាណរបស់ក្រុមហ៊ុនរបស់យើង ពីព្រោះវាផ្តល់ឱ្យយើងនូវក្របខ័ណ្ឌសម្រាប់ការដឹកនាំប្រតិបត្តិការ និងការប្រាស្រ័យទាក់ទងប្រចាំថ្ងៃរបស់យើងជាមួយក្រុមការងារ អតិថិជន អ្នកផ្គត់ផ្គង់ និងដៃគូរនានា។
